शरद मोहोळ टोळीतील सराईत गुंडासह सात जणांना हिंजवडीमधून अटक

पुणे: दरोड्याचा तयारीत असलेल्या सात जणांच्या टोळीला गुन्हे शाखेच्या पथकाने हिंजवडीमधून परिसरातून अटक केली. अटक केलेल्यांमध्ये कुख्यात शरद मोहोळ टोळीतील सराईत गुन्हेगार उमेश वाघोलीकर याचा समावेश आहे. आरोपींकडून 5 पिस्तुल, 23 जिवंत काडतुसे, 2 कार, मोटारसायकली आणि घातक हत्त्यारे जप्त केली आहेत. एका उच्चपदस्थ व्यक्तीच्या खुनाची सुपारी घेतल्याची माहिती त्यांच्याकडून मिळाल्याचे समजते. सहाय्यक आयुक्त सुरेश भोसले यांच्या मार्गदर्शनाखाली ही मोठी कारवाई करण्यात आली आहे.