गारठा वाढला, पुण्याचे किमान तापमान 11.4 अंश

पिंपरी: गुलाबी थंडी आता हळूहळू गोठवणा-या थंडीकडे वळत आहे. पुण्याचे आज (सोमवार) सकाळी साडेआठ वाजेपर्यंत 11.4 अंश इतके किमान तापमान नोंदवले गेले आहे.  तर पुण्याचे कालचे तापमान 11.5 अंश इतके होते. नाशिकचे सर्वात कमी किमान तापमान 10.4 अंश इतके नोंदवले आहे.

हवामान विभागाच्या नोंदीनुसार तापमानात -3.2 अंश सेल्सिअस इतका फरक पडला आहे. तर लोहगावचे किमान तापमान 13.0 अंश सेल्सिअस इतके नोंदवले असून त्यात -2 अंशाचा फरक पडला आहे. पारा खाली उतरल्याने थंडीने शहरात चांगलाच जोर धरला आहे. दरम्यान, राज्यात पारा आणखी खाली जाईल असा अंदाज हवामान खात्यानं वर्तवला आहे.