पिंपरी। रावेत येथील एमआयडीसीला पाणीपुरवठा करणारी पाण्याची पाईपलाईन फुटली आहे. त्यामुळे हजारो लिटर पाणी वाया गेले. व्हॉल्व नादुरुस्त झाल्याने पाईलपाईन फुटली असून एमआयडीसीचे अधिकारी दुरुस्तीचे काम करत आहेत.
रावेत, शिंदे वस्ती येथील कृष्ण मंदिराच्या पाठीमागे एमआयडीसीची पाण्याची पाईपलाईन आहे. आज (गुरुवारी) सायंकाळी साडेपाचच्या सुमारास हॉल्व नादुरुस्त झाल्याने ही पाण्याची पाईपलाईन फुटली. त्यामुळे हजारो लिटर पाणी वाया गेले. एमआयडीसीचे अधिकारी घटनास्थळी दाखल झाले असून वॉल दुरुस्तीचे काम सुरु आहे.
सध्या शहरात पाण्याची टंचाई आहे. शहराच्या विविध भागात कमी दाबाने पाणीपुरवठा होत आहे. त्यातच पाईपलाईन फुटल्यामुळे हजारो लिटर पाणी वाया जात असल्यामुळे नागरिक नाराजी व्यक्त करत आहेत.