मुंबई : निकाल गोंधळाचा ठपका ठेऊन डॉ. संजय देशमुख यांची मुंबई विद्यापीठाच्या कुलगुरूपदावरून हकालपट्टी करण्यात आल्यानंतर नव्या कुलगुरूंचा शोध सुरू झाला आहे. त्यासाठी राज्यपाल आणि कुलपती विद्यासागर राव यांनी ज्येष्ठ अवकाश शास्त्रज्ञ डॉ. के. कस्तुरीरंगन यांच्या अध्यक्षतेखाली शोध समिती स्थापन केली आहे.
कस्तुरीरंगन हे भारतीय अवकाश संशोधन संस्थेचे माजी प्रमुख आहेत. त्यांनी जवाहरलाल नेहरू विद्यापीठाचे कुलगुरूपद आणि कर्नाटक ज्ञान आयोगाचे अध्यक्षपदही भूषविलेले आहे. राज्यसभेचे माजी सदस्य आणि नियोजन आयोगाचे माजी सदस्य राहिलेल्या कस्तुरीरंगन यांना पद्मश्री, पद्मभूषण आणि पद्मविभूषण या तिनही पद्म पुरस्कारांनी सन्मानित करण्यात आलेलं आहे. सध्या त्यांच्याकडे राष्ट्रीय शिक्षण धोरण निश्चित करण्यासाठी नेमण्यात आलेल्या समितीचे अध्यक्षपद असून आता त्यांच्यावर मुंबई विद्यापीठासाठी कुलगुरू शोधण्याची जबाबदारी आल्याने सगळ्यांचेच त्याकडे लक्ष वेधले गेले आहे.
Check Also
संजोग वाघेरे के नामांकन पर्चा दाखिल रैली में उमड़ा जनसैलाब
आदित्य ठाकरे,अमोल कोल्हे,सचिन अहिर,माणिक ठाकरे रहे उपस्थित पिंपरी- मावल लोकसभा क्षेत्र से शिवसेना उद्धव ठाकरे-राकांपा …