आगामी निवडणुकांच्या पार्श्वभूमीवर राज्य मंत्रिमंडळाचा होणार विस्तार!

 गृहनिर्माणमंत्री प्रकाश मेहता यांच्या एमपी मिल कम्पाऊड एसआरए घोटाळ्यावरून सरकारवर विरोधकांनी टीका केली होती. लोकसभा व विधानसभेच्या निवडणुका २०१९ मध्ये होणार आहेत. त्यामुळे सरकारची प्रतिमा उजळवतील तसेच पक्षाची वाढ करतील, अशांना मंत्रिमंडळात घेण्याचे ठरले आहे. यासाठी पक्षाच्या प्रमुख नेत्यांबरोबर स्थानिक पदाधिकाऱ्यांकडूनही माहिती घेतली जात आहे.
आयारामांना संधी?
नारायण राणे यांच्यासह काही आमदारांना पक्षात प्रवेश देण्याबाबतही पक्षाच्या वरिष्ठ पातळीवर चर्चा सुरू आहे. याबरोबर पश्चिम महाराष्ट्र, उत्तर महाराष्ट्र व मराठवाड्यातील काँग्रेस व राष्ट्रवादीच्या काही नेत्यांसाठी भाजपने गळ टाकला आहे. या नेत्यांनी पक्षप्रवेश केल्यास त्यांना मंत्रिमंडळात स्थान देण्यात येणार आहे. इतर पक्षातून भाजपमध्ये येऊ इच्छिणाऱ्या नेत्यांबाबत निर्णय झाल्यानंतर मंत्रिमंडळ विस्तार करण्यात येणार आहे. त्यामुळे लोकसभा व विधानसभेच्या निवडणुका नजरेसमोर ठेवून हा विस्तार होईल. मंत्रिमंडळाचा विस्तार करतानाच महामंडळावरच्या नियुक्त्याही करण्यात येणार आहेत.